Në kërkim të punës, qytetarët e papunë në Elbasan zgjidhjen e gjejnë tek emigrimi
Nga Edisona Skënderi Përditësimi i fundit 8 Janar 2023, 15:24
Papunësia mbetet shqetësim kryesor i shumë qytetarëve në Elbasan.
Teksa bizneset janë në kërkim të punonjësve me eksperiencë ata në moshë të madhe e pa ndonjë kualifikim e kanë të vështirë të gjejnë një vend.
Si zgjidhje kanë gjetur emigrimin sezonal në vendet fqinje.
Më punën atje sigurojnë të ardhura sa për të mbajtur familjen.
Tek Zyrat e Punës nuk kanë besim pasi thonë se aty përfitojnë vetëm mbështetësit e qeverisë.
Për drejtoren e Zyrës së Punës në Elbasan viti që lamë pas ka qenë i suksesshëm në punësimin e qytetarëve.
Të dhëna nuk kanë, por suksesin e masin me hyrje-daljet e qytetarëve në këtë institucion.
Sipas të dhënave të INSTAT në tremujorin e tretë të vitit 2022 numri i të punësuarve gjithsej u rrit me 3,8 %, krahasuar me të njëjtën periudhë të 2021-shit.
