La Alexa-n të kujdeset për vajzën 5-vjeçare për të shkuar me të dashurën, arrestohet babai
Nga OraNews Përditësimi i fundit 6 Janar 2023, 19:21
Një baba është dënuar për neglizhencë të fëmijëve pasi la Amazon Alexa të kujdeset për vajzën e tij vetë pesë vjeç.
Arsyeja pse babai e la vajzën e tij pesëvjeçare nen kujdesin e asistentit virtual ishte se ai shkoi në pijetore me të dashurën e tij të re. Babai 27-vjeçar e la vajzën e tij në gjumë dhe vetëm.
Gjykata e Magjistraturës në Llandrindod Wells bëri me dije se babai i paturpshëm i tha policisë se ai "e la me dëshirë vajzën e tij në shtëpi" në orën 20:00 sepse mund ta shihte atë përmes kamerës së aplikacionit.
Akti i babait u zbulua pasi ai u arrestua nga policia për tentativë mbytjeje të partneres së tij të re në fund të “seancës” së tyre të pijes.
Një fqinj ishte alarmuar pasi kishte dëgjuar britma që vinin nga një kopsht rreth orës 2 të mëngjesit, ku Davies po vraponte pas partneres së saj ndërsa ajo i thoshte të largohej nga shtëpia.
Policët hetuan dhe babai pranoi se kishte lënë vajzën e tij në shtëpinë e partneres së tij në qytetin Powys, me pajisjen Alexa pranë shtratit të saj.
Prokurori Stephen Davies shtoi se babai dhe partnerja e tij e re njiheshin për rreth shtatë muaj, përpara se të shkonin për të pirë së bashku një të shtunë në mbrëmje në gusht të vitit të kaluar.
Prokurori tha: “Femra kishte pirë atë ditë dhe ai ishte me të. Ajo doli rreth orës 20:00 ashtu si ai. Fëmija u la në banesë. Ata shkuan në një numër pijetoresh dhe ajo thotë se nuk mban. Asaj nuk i kujtohet si u kthye në shtëpi.”
27-vjeçari ka pranuar mbytjen e qëllimshme të partneres dhe neglizhencën e fëmijës së tij ndërsa magjistratët në Llandrindod Wells, Powys, shtynë dënimin deri në muajin tjetër pasi urdhëruan hetime ndaj babait.
Gjykata urdhëroi që ai nuk mund të kontaktojë partneren e tij dhe atij i lejohet kontakti vetëm i mbikëqyrur me vajzën e tij.
