U vodhën klientëve të hotelit 145 mijë € nga kartat bankare, familja shqiptare nën hetim në Itali
Nga Alba Kepi Përditësimi i fundit 14 Dhjetor 2022, 11:54
8 apartamente i janë sekuestruar një familje shqiptare në Itali. Ata dyshohet se në periudhën që kanë menaxhuar një hotel në Rimini kanë përdorur kartat e kreditit të klientëve në mënyrë të paligjshme.
Një familje shqiptare, e cila menaxhonte një hotel në Rimini, është vënë nën hetim nga autoritetet financiare italiane për mashtrim me kartat e kreditit të klientëve.
Tre anëtarët e kësaj familje, prindërit e djali i tyre akuzohen për falsifikim të instrumenteve të pagesës së klientëve duke përdorur kartat e tyre në mënyrë të paligjshme.
Pas qëndrimit në këtë hotel klientët kanë sinjalizuar anomali në llogaritë personale bankare e Financa italiane ka identifikuar 150 pagesa të pautorizuara nga ata, e të përdorura nga pronarët e hotelit për interesat e tyre.
Transaksioni kryhej përmes një aparati të lidhur me llogarinë bankare të hotelit e nën emrin e bashkëshortit të kësaj familje.
Janë dokumentuar rreth 145 mijë euro të përfituara paligjshmërisë nga familja shqiptare e në dëm të klientëve që mikpriteshin në hotelin e tyre.
Financa italiane ka autorizuar sekuestrimin paraprak të të mirave materiale të kësaj familje: 8 banesa, 5 autovetura e 1 motorr.
Ngjarja nën hetim, i përket vitit 2021 e në 2022 ky hotel ka ndryshuar menaxhimin e tij.
Shenim: *Ky është artikull ekskluziv i Ora News, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Artikulli mund të ripublikohet nga mediat e tjera vetëm duke cituar “Ora News” bashkëngjitur me linkun e artikullit origjinal.
