Karta e studentit e pavlerë! Vetëm 3% ulje në markete, 5% në dyqane veshjesh e 10% në librari
Nga Nertila Dosti Përditësimi i fundit 11 Dhjetor 2022, 15:08
E tillë është karta e studentit për shumë të rinj në Shqipëri.
Ata mund të kenë akses në shumë shërbime që ofrohen nga bizneset private apo institucionet publike, por uljet që përfitojnë janë të papërfillshme.
“Duhet të ketë më shumë ulje për studentët, nuk janë të vlefshme.”
Në listën e gjatë të shërbimeve bie në sy numri i ulët i librarive, kancelarive, marketeve apo dyqaneve të veshjeve.
Por edhe në to përfitimet janë të pakonisderueshme shpesh edhe qesharake.
P.sh një rrjet marketesh ofron vetëm 3% ulje për produktet ushqimore.
Mensat ofrojnë 5% ulje, po ashtu edhe disa dyqane veshjesh. Farmacitë deri në 10%.
Libraritë, aq të domosdoshme për studentët nuk ofrojnë më shumë se 10% ulje.
Të rinjtë që ndjekin studimet e larta në Tiranë thonë se financat e tyre i rëndon më së shumti shtrenjtimi i ushqimeve dhe librave ndaj kërkojnë që për to çmimet të jenë te reduktuara.
“Mund të ulet vetëm 5% që ne nuk na hynë fare në punë ajo ulje.”
Sipas studentëve i vetmi përfitim që kanë pasur nga përdorimi i kartës së studentit ka qenë abonoja e transportit publik.
Shënim: *Ky është artikull ekskluziv i Ora News, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Artikulli mund të ripublikohet nga mediat e tjera vetëm duke cituar “Ora News” bashkëngjitur me linkun e artikullit origjinal.
