Dhunuan të moshuarën në Pejë, lirohen infermieret. Do të gjykohen në gjendje të lirë
Nga Amado Çela Përditësimi i fundit 25 Nëntor 2022, 10:30
Gjykata Supreme e Kosovës ka liruar nga paraburgimi tre infermieret e azilit famëkeq që dhunuan një të moshuar në Pejë në fillim të këtij muaji. Gjykata ka pranuar kërkesën e avokatëve mbrojtës të tre infermiereve që ato të mbrohen në gjendje të lirë.
Me vendim të Gjykatës Supreme, tri infermieret e Pejës që dhunuan të moshuarën në fillim të këtij muaji janë lënë të lira.
Gjykata e Lartë ka pranuar kërkesën e avokatëve për lirimin e tyre nga paraburgimi.
Institucioni i lartë i drejtësisë njofton se tre gratë dhunuese do të mbrohen në gjendje të lirë.
Në 2 nëntor të këtij viti, shtetaset A.R., A.P., R.K., me detyrë infermiere pranë qendrës ‘Orenda’ kanë dhunuar një të moshuar.
Videoja e dhunimit të së moshuarës u bë virale në rrjetet sociale dhe nxitën një reagim të madh në Kosovë e Shqipëri.
E moshuara u largua nga azili famëkeq nga familjarët e saj, ndërsa infermieret u arrestuan dhe njëherazi iu hoq licenca përkohësisht.
Ato kuzohen se kanë kryer veprën penale ‘sulmi’.
Gjykata Themelore e Pejës caktoi për tre dhunueset masën e paraburgimit 30 ditë.
