Dua Lipa kundër Katarit, këngëtarja shqiptare ka një kërkesë për qeverinë e Dohas
Nga OraNews Përditësimi i fundit 13 Nëntor 2022, 16:25
Këngëtarja shqiptare Dua Lipa pozicionohet kundër Katarit. Në një postim të publikuar orët e fundit, Dua qartëson dhe madje në mënyrë të vendosur, duke theksuar se nuk ka asnjë mundësi që të përformojë në ceremoninë hapëse të Kupës së Botës.
“Ka pasur zëra se unë do të performoj në Katar. Nuk ka pasur ansjhëherë negociata se mund ta bëjë këtë dhe nuk do ta bëj. Nuk do të këndoj në Botëror. Do të bëj tifo për Anglinë nga televizori dhe do ta vizitoj Katarin vetëm kur të respektojë të drejtat e njeriut pasi e premtoi ta bënte një gjë të tillë kur fitoi të drejtën e organizimit të Kupës së Botës”.
Dua Lipa nuk është e huaj me futbollin pasi ajo performoi në finalen e vitit 2018 të UEFA Champions League mes Real Madrid dhe Liverpool.
