Flora Tallin, rekordmenia e Estonisë që u themelua nga një shkrimtar librash për fëmijë

Nga OraNews Përditësimi i fundit 25 Tetor 2022, 07:19

Flora Tallin fitoi kampionatin e 14 estonez në transfertën e Parnu duke u bërë klubi më i titulluar i vendit të vogël balltik. Një sezon rekordesh i superdominuar me 87 pikë nga 90 të mundshme, 28 fitore dhe tre barazime në 31 ndeshje ndërsa objektivi i ardhshëm deri në fund të kampionatit kur kanë mbetur edhe 5 javë janë 100 pikët, arritje që nuk e ka regjistruar askush më parë.

Rauno Alliku është njeriu simbol me 7 trofe kampionati, 50 % e të gjitha arritjeve të klubit me një histori shumë të veçantë. Flora u themelua në mars 1990 nga një profesor matematike, gjuhe dhe i letërsisë estoneze. Aivar Pohlak ka shkruar edhe libër për fëmijë ndërsa i është dedikuar rilindjes së futbollit estonez.

Djali i tij, Pelle Pohlak është aktualisht president i FC Flora ndërsa vetë themeluesi i klubit më të titulluar, sot është president i federatës së futbollit estonez.

Përsa i përket Estonisë, vendi modest në veri të Europës është përfaqësuar në fazën e grupeve sezonin e kaluar të Conference League nga Flora që sezonin e ardhshëm do të kualifikohet direkt për në fazën play off të Champions League.