"Krizë për të blerë dru", 10 mijë lekë metër/kubi në Elbasan
Nga Edisona Skënderi Përditësimi i fundit 4 Tetor 2022, 14:48
Kriza energjetike që ka përfshirë vendin tonë, dhe pasiguritë në lidhje me çmimin e energjisë ka bërë që qytetarët të kthejnë sytë nga drutë për tu ngrohur gjatë dimrit. Por, në Elbasan rritja e çmimit është bërë e papërballueshme, ndaj askush nuk është i sigurtë për ngrohjen në ditët e acarta.
Teksa jemi në prag të ditëve të acarta qyetarët ende nuk e dinë me çfarë do të ngrohen.
Nga njëra anë kriza energjitike e bën pothuajse të pamundu ngrohjen me korent, nga ana tjetër çmimi i druve është bërë i papërballueshëm.
Në Elbasan qytetarët flasin për çmime të papara ndonjëherë për metër/kub dru.
"Me çfarë të ngrohemi. Drutë kanë shkuar 10 mijë lekë metër/kub. Kështu që s'mundemi dot.
Drutë nuk i blejmë dot se janë gritur çmimet. Një metër/kub ka shkuar 80 mijë lekë," thonë qytetarët.
Thonë se të ardhurat e tyre nuk mjaftojnë as për gjërat bazë.
"Po si blejmë dot. Me këtë pension që kemi ne, nuk na del për bukë, jo të marrim edhe dru.
Është e papërballueshme," thonë ata.
Vendi ynë është përfshirë nga një inflacion i lartë muajt e fundit, ndërsa kriza ka rënduar drejtëpërdrejtë familjet me të ardhura të ulta.
