Mbretëresha Elizabeth, Pallati Mbretëror publikon foton e varrit Kështjellën Windsor, ja sa kushton bileta për ta parë
Nga OraNews Përditësimi i fundit 24 Shtator 2022, 22:44
Pallati Buckingham ka publikuar fotografinë e parë të varrit të Mbretëreshës, ku ajo është varrosur së bashku me prindërit e saj, Mbretëreshën Elizabeth, Mbretin George VI dhe bashkëshortin e saj, Princin Philip, Duka i Edinburgut.
"Sot është publikuar një fotografi e gurit të librit të instaluar tani në Kapelën Përkujtimore të Mbretit George VI, pas varrimit të Madhërisë së Saj Mbretëreshës Elizabeth. Kapela Përkujtimore e Mbretit George VI ndodhet brenda mureve të Kapelës së Shën Gjergjit, Windsor" thuhet ndër të tjera në një postim të bërë në llogarinë zyrtare të familjes mbretërore në Instagram.
Emri i Elizabeth duket i gdhendur me shkronja ari në pllakën prej mermeri të zi belg. Në të njëjtën pllakë janë shkruar emrat e prindërve të George VI dhe Elizabeth si dhe bashkëshortit të saj Princ Philip.
Dy çiftet ndahen nga një yll i Urdhrit Fisnik të Corolla pasi të ndjerët ishin anëtarë të tij dhe Kapela e Shën Gjergjit në Windsor është shtëpia e tij shpirtërore.
Vihet re se në të njëjtën kapelë ndodhet edhe varri i princeshës Margarita e cila u nda nga jeta në vitin 2002 në moshën 71-vjeçare.
Varri mbretëror do të hapë portat e tij për publikun që dëshiron të bëjë nderimet e tyre nga e enjtja e 29 shtatorit.
Kostoja e biletës gjatë ditëve të javës shkon në 26.50 paund, ndërsa të shtunave kushton 28.50 paund.
View this post on Instagram
