"Dita e parë në punë", Mbreti Charles merr zyrtarisht detyrën

Nga OraNews Përditësimi i fundit 24 Shtator 2022, 08:28

Mbreti Charles u fotografua për herë të parë me kutinë e tij të kuqe. Fotoja, e realizuar javën e kaluar, tregon mbretin e Mbretërisë së Bashkuar duke kryer detyrat zyrtare të qeverisë në Sallën e Madhe të shekullit të 18-të në Pallatin Buckingham .

Kutitë e kuqe përmbajnë dokumente nga ministrat e qeverisë si dhe përfaqësuesit e Commonwealth.

Dokumentet i dërgohen nga sekretaria private mbretit, kudo në botë, në një kuti të kuqe të mbyllur.

KETU LAJMET MINUTE PAS MINUTE

Këto përfshijnë dokumente që kërkojnë nënshkrime, dokumente informative dhe informacione për takimet e ardhshme.

Në foton e publikuar nga pallati, Charles është ulur në një tavolinë duke parë disa dokumente. 

Në fakt, brenda kutisë së hapur ka dokumente dhe njëri prej tyre është i lidhur me fjongo.

Në sfond është një fotografi bardh e zi me kornizë të prindërve të tij, të cilën ata ia dhanë George VI në Krishtlindjet e vitit 1951.