Vrasja e të riut në Shkodër, Rrumbullaku një orë në Drejtorinë e Policisë Vendore, ja porositë për vartësit
Nga Bepin Kolvata Përditësimi i fundit 20 Shtator 2022, 20:50
Drejtori i Përgjithshëm i Policisë së Shtetit, Muhamet Rrumbullaku, së bashku me drejtues të Departamentit të Krimeve në Drejtorinë e Përgjithshme, ka zhvilluar një vizitë blic në Shkodër.
Ai është takuar me drejtues të lartë të Policisë së Shkodrës, ku ka kërkuar zbardhjen e ngjarjeve që kane troditur Shkodrën.
Qëllimi kryesor i këtij takimi ka qenë zbardhja e vrasjes se 19-vjeçarit Erjon Xhenje.
Drejtori Rrumbullaku ka kërkuar administrimin e të gjithë provave qe disponon policia ndërkohë qqë sektori i kriminalistikës pranë Drejtorisë së përgjithshme është vënë në dipozicion të grupit hetimor për zbardhjen e kësaj ngjarje të rëndë që ka tronditur Shkodrën.
Burimet bëjnë me dije se takimi ka zgjatur rreth një orë në ambjentet e Drejtorisë së Policisë në Shkodër.
