Juventus në “tunel”, Monza shënon suksesin e parë të Serie A në kurriz të Allegrit (VIDEO)
Nga OraNews Përditësimi i fundit 18 Shtator 2022, 17:16
Me 10 lojtarë për më shumë se një pjesë loje, Juventusi zhytet edhe më shumë në krizë pasi nuk arriti të dilte me pikë as nga fusha e skuadrës së fundit në klasifikim. Në 6 javë Monza ka shënuar vetëm dy gola, njërin prej të cilëve Juventusit, skuadër ndaj së cilës arriti fitoren e parë historike në Serie A.
Skuadra e presidentit Silvio Berlusconi dhe e drejtorit sportiv Galliani, gjeti fitoren e parë sezonale dhe këtë e bëri në kurriz të bardhezinjve që vijnë nga një javë plot polemika dhe shumë pikëpyetje mbi Allegrin që pas kësaj disfate shtohen. Gytkjaer në pjesën e dytë zhbllokoi ndeshjen dhe shënoi golin që i shkaktoi Juventusit edhe humbjen e parë sezonale në kampionat.
Në dy ndeshjet e tjera të pasdites, Lazio shkatërroi 4-0 Cremonesen në transfertën ku Elseid Hysaj luajti 90 minuta ndërsa Fiorentina kaloi 2-0 Veronën.
