79 vite nga beteja e Drashovicës, ngjarja u përkujtua në Selenicë nga veteranë e pasardhës të dëshmorëve
Nga Edi Ruçi Përditësimi i fundit 18 Shtator 2022, 15:27
Në Selenicë u përkujtua 79 vjetori i betejës së Drashovicës.
Ishte një nga betejat më të përgjakshme ku partizanët e qarkut Vlorë organizuan sulmin kundër garnizonit gjerman të Drashovicës.
Ky shtator shënon 79 vite nga beteja e Drashovicës.
Ishte një ndër betejat më të ashpra të Luftës Antifashiste Nacionalçlirimtare ku nga 14 Shtatori deri më 4 Tetor, forcat partizane të Qarkut të Vlorës organizuan sulmin kundër garnizonit gjerman të Drashovicës.
Ngjarja e rëndësishme historike u përkujtua nga përfaqësues të institucioneve vendore, pasardhës së dëshmorëve dhe veteranët e Luftës.
Në Luftën e Drashovicës, që zgjati 20 ditë pa ndërprerje, forcat naziste lanë mbi 200 të vrarë e të zënë rob, veç të plagosurve.
Nga forcat partizane ranë në fushën e betejës 23 vetë, u plagosën 50 luftëtarë.
