Riciklimi i letrës, rekord në TEG dhe QTU. Vetëm gjatë vitit të kaluar ricikluan 315 ton letër
Nga OraNews Përditësimi i fundit 16 Shtator 2022, 15:55
Trendet botërorë të modes, argëtim, mjediset çlodhëse dhe shumë surpriza kanë bërë që TEG dhe QTU të shndërrohen në Qendrat Tregtare me numër rekord vizitorësh.
Koleksionet e veshjeve të cilët rinovohen në të njëjtën kohë me vendet evropiane, si dhe hipermarketet SPAR me mijëra produkte, natyrshëm janë pjesë e linjave ndërkombëtare të furnizimit.
Por ashtu siç krijojnë ofertën më të mirë, njëkohësisht krijojnë një sasi të konsiderueshme mbetjesh nga paketimi.
Pikërisht këtë TEG e QTU e kanë zgjidhur përmes riciklimit. Denisa Gjini, menaxhere e qendrës TEG, konfirmon se vetëm gjatë vitit të kaluar ricikluan 315 ton letër.
Por në të ardhmen do riciklohen edhe mbetjet e llojeve të tjera. Dhe jo vetëm kaq.
Organizime sportive në natyrë si Triatloni i Farkës dhe projekti i dhënies së biçikletave për ata që nuk kanë mundësi ekonomike në bashkëpunim me bashkinë e Tiranës, plotësojnë profilin e TEG dhe QTU për mbrojtjen e mjedisit dhe promovimin e jetesës së shëndetshme, politika që ndiqen nga të gjitha kompanitë e Grupit BALFIN, pjesë e të cilit janë edhe dy Qendrat në fjalë, nën kujdesin e veçantë që Presidenti i Grupit Samir Mane tregon për përgjegjësinë sociale.
