Boris Johnson mbyll kapitullin në politikë, mban fjalimin e lamtumirës: E përmbusha funksionin tim
Nga Amado Çela Përditësimi i fundit 6 Shtator 2022, 09:57
Boris Johnson ka dhënë fjalimin e lamtumirës në oborrin e selisë kryeministrore. 58-vjeçari tha se nuk do të rikthehet në politikë ndërsa shprehu mbështetjen për kryeministren e re të Liz Truss.
Boris Johnson është larguar përfundimisht nga selia kryeministrore.
Me një fjalim të shkurtër të mbajtur për mediet jashtë oborrit të Downing Street, 58-vjeçari tha se e përmbushi misionin e tij.
"Ndërsa largohem nga detyra, papunësia është ulur në nivelet më të ulëta që nuk ishte parë që kur isha 10 vjeç. Tani ndihem si një nga ato raketat përforcuese që kanë përmbushur funksionin e tyre dhe tani do të hyj butësisht në atmosferë dhe do të spërkat në mënyrë të padukshme në një cet të errët e të largët të Paqësorit," tha ai.
Johnson i bëri këto komente pasi u pyet nga gazetarët se do të rikthehej në politikë.
Ndërsa ka dhënë mbështetjen për kryeministren e sapozgjedhur Liz Truss, Johnson është mburrur me punët e kryera prej tij dhe kabinetit që drejtonte.
"Përmes asaj dere të zezë, një kryeministër i ri do të takojë një grup fantastik nëpunësish publikë, ata që realizuan Brexit, ata që shpërndanë vaksinën më shpejt se çdo vend tjetër në Evropë. Kjo është një qeveri për ju, kjo është qeveria konservatore!" deklaroi Johnson.
Boris Johnson dha dorëheqjen nga posti i kreut të Partisë Konservatore dhe rrjedhimisht nga kreu i qeverisë pasi humbi besimin nga bashkëpunëtorët e tij e cila u reflektua me një sërë dorëheqjesh nga kabineti kryeministror pas skandaleve të njëpasnjëshme që përfshinë Downing Street.
