"Mami është rrëzuar", 4 vjeçari merr në telefon ambulancën dhe i shpëton jetën
Nga Ora News Përditësimi i fundit 6 Shtator 2022, 10:33
Një djalë katërvjeçar australian ka shpëtuar nënën e tij nga një urgjencë mjekësore duke marrë në telefon ambulancën, vetëm një ditë pasi nëna ia kishte mësuar se si ta bënte.
Monty Cocker mori në telefon numrin e urgjencës kombëtare më 27 gusht, duke u thënë operatorëve: "Mami im është rrëzuar".
"Kur mbërritëm në adresë, ai ishte në dritare... duke na bërë me dorë," tha ndihmësmjeku Mark Small.
Brenda shtëpisë, djaloshi me qetësi ndihmoi ekuipazhin e ambulancës të kuptonte se nëna e tij, Wendy, kishte pësuar një krizë.
Veprimi i tij me shpejtësi bëri një ndryshim të madh, tha mjeku.
"Veçanërisht nëse godet kokën kur bie, ose ke një krizë të zgjatur, mund të jetë mjaft serioze," tha ai.
Mjekët u rikthyen sërish në shtëpinë e katër vjeçarit duke i dhënë atij një certifikatë mirënjohjeje.
Zonja Cocker u tha gazetarëve që Monty e dinte se ai kishte bërë një gjë të mirë, por kishte minimizuar rolin e tij, duke u thënë miqve në kujdesin e fëmijëve se ishte "e lehtë".
"Gjyshja e tij erdhi dhe tha: "Ku është superheroi?" Dhe ai tha: "Oh jo, unë nuk jam superhero. Unë jam thjesht një hero," tha mamaja e tij.
Pasdite para incidentit, zonja Cocker i kishte shpjeguar Montit se si ti telefonte ambulancës në rast urgjence. Ajo nuk priste që ai do të duhej ta përdorte atë njohuri kaq shpejt.
Ajo tha se i kujtohej se nuk ndihej mirë dhe po përpiqej të telefononte burrin e saj, shkruan BBC.
"Kam ardhur në mendje dhe të gjithë ishin aty, ambulanca ishte aty. Jam shumë krenar për të... ai më shpëtoi," tha ajo.
Ndërkohë ndihmësmjeku i habitur nga katër vjeçari deklaroi:
"Unë kam qenë një ndihmës mjek për 13 vjet dhe ka pasur fëmijë më të mëdhenj që merrnin në telefon ambulancën, por kurrë, kurrë një katërvjeçar."
