Grabitën me armë banesën, momenti kur hajduti pëson goditje në tru gjatë ndjekjes dhe policët e ndihmojnë
Nga OraNews Përditësimi i fundit 3 Shtator 2022, 22:04
Grabitja në një banesë në Nafplion ka qenë episodike pasi njëri nga dy autorët ka pësuar goditje në tru dhe bashkëpunëtori i tij ka humbur kontrollin, duke rënë edhe në prangat e policisë.
Grabitja ndodhi mëngjesin e të shtunës, 3 shtator, në një apartament në katin e parë në rrugën" 25 Marsi" në Nafplio.
Dy autorët, me fytyrë të pambuluar, hynë në shtëpi dhe nën kërcënimin e armëve u lidhën duart me rripa plastikë anëtarëve të familjes, një çift bashkëshortësh dhe djali i tyre i vogël.
Më pas kanë marrë para dhe sende me vlerë dhe janë larguar nga shtëpia.
Çifti kanë nisur të bërtasë “ndihmë” duke zgjuar lagjen që kanë dalë në ballkone, ndërsa djali i familjes me të brendshme dhe i lidhur filloi t'i ndiqte duke thirrur "grabitje".
Policia nisi të merrte një breshëri telefonatash nga fqinjët dhe njerëzit të cilët panë dy autorët duke vrapuar në rrugën e tyre.
Grabitësit, sipas ANT1, kaluan zonën e Pronoias dhe Synoikismus dhe u ndalën në semaforët e rrugës Argos dhe aty njëri prej tyre është rrëzuar nga një goditje në tru.
Në vendngjarje kanë qenë punonjësit e pastrimit të Bashkisë, të cilët pa ditur se çfarë kishte ndodhur, kanë nxituar në ndihmë të autorit të rrëzuar.
Hajduti tjetër e kishte hapur ndërsa armën e hodhi në koshin e plehrave që ndodhej në vendngjarje.
Fill më pas mbërriti policia që arrestoi hajdutët dhe gjeti armën në plehra.
Policia u mori mbrapsht sendet e vjedhura. Në spital përveç njërit prej hajdutëve, u dërgua edhe pronarja e banesës që i ndoqi, pasi ishte goditur në kokë.
Autori i cili pësoi goditje në tru ndodhet në gjendje kritike, ndërsa i dyti ndodhet në komisariatin e Argolis ku po merret në pyetje dhe do të dërgohet në Prokurori.
