Rritet shqetësimi global mbi sigurinë, ekipi i OKB-së do të vizitojë centralin bërthamor të Zaporizhzhia
Nga OraNews Përditësimi i fundit 29 Gusht 2022, 07:26
Një mision mbikëqyrës bërthamor i OKB-së do të vizitojë termocentralin bërthamor të Zaporizhzhia të Ukrainës.
Rafael Grossi, drejtor i përgjithshëm i Agjencisë Ndërkombëtare të Energjisë Atomike (IAEA) tha se ekipi pritej të mbërrinte në termocentral këtë javë.
“Ne duhet të mbrojmë sigurinë e objektit më të madh bërthamor të Ukrainës dhe Evropës”, shkroi ai në Twitter.
Centrali bërthamor është pushtuar nga trupat pushtuese ruse që nga marsi.
Luftimet rreth objektit në juglindje të Ukrainës kanë çuar në rritjen e shqetësimit global mbi sigurinë.
Ukraina dhe Rusia kanë akuzuar njëra-tjetrën për bombardimin e zonës.
The day has come, @IAEAorg's Support and Assistance Mission to #Zaporizhzhya (ISAMZ) is now on its way. We must protect the safety and security of #Ukraine’s and Europe’s biggest nuclear facility. Proud to lead this mission which will be in #ZNPP later this week. pic.twitter.com/tyVY7l4SrM
— Rafael MarianoGrossi (@rafaelmgrossi) August 29, 2022
