Operacion nga ajri dhe toka për shuarjen e zjarrit në Selenicë, digjen 3 banesa
Nga Edi Ruçi Përditësimi i fundit 8 Gusht 2022, 18:07
Vijon të jetë aktive zjarri në fshatin Dushkarak të Bashkisë së Selenicës.
Si mundësi e vetme ka nisur ndërhyrja nga ajri për shuarjen e tij.
Banorët e zonës flasin për tre banesa të djegura nga flakët, teksa sipërfaqa e tokës e shkrumbuar me ullinj, shkurre dhe bimësi është e konsiderueshme.
Situata është përkeqësuar për shkak të ndërhyrjes me vonesë të forcave zjarrfikëse.
Banorët tregojnë se kanë lajmëruar disa herë zjarrfikësen por kjo e fundit ka ndërhyrë shumë vonë.
Është kërkuar mbështetja edhe e zjarrfikëses së Fierit pasi e Vlorës me tre automjetet që ka, ka qenë duke u marrë me vatra të tjera aktive zjarri në qytet.
Në mbështetje të zjarrfikësve të Selenicës kanë shkuar 50 forca zjarrfikëse nga Vlora, Patosi dhe Himarë.
Ndërkohë zjarrin vijon të përhapet.
