E tmerrshme/ Shkoi të shpëtonte personat e bllokuar në mal, helikopteri rrëzohet dhe shpërthen në flakë (VIDEO)
Nga Ora News Përditësimi i fundit 30 Korrik 2022, 09:10
Një helikopter ka rënë teksa kishte shkuar për të shpëtuar njerëzit e bllokuar në një vendpushim skish në Gjeorgji.
Video e filmuar nga të pranishmit tregon helikopterin që rrotullohet përpara se të përplaset në anën e malit duke shpërthyer në flakë.
Ekipi i urgjencës po përpiqej të ndihmonte dy personat që mbetën të bllokuar në faqen e shkëmbit kur ai u rrëzua në Gudauri.
Mjekët dhe punonjësit e shpëtimit ishin në bord.
Mediat lokale raportuan se punëtorët e shpëtimit u plagosën, megjithatë ende nuk është verifikuar një gjë e tillë, raporton MailOnline.
Autoritetet raportuan se kishte pesë persona në bord, dy pilotë dhe tre punonjës shpëtimi në momentin e rrëzimit.
Njerëzit që filmuan përplasjen dëgjohen duke gulçuar teksa përplaset në shpatin e malit, duke çliruar një re tymi të zi dhe flakë.
“Një helikopter i Ministrisë së Punëve të Brendshme, i cili po ndihmonte në shpëtimin e dy personavee në Gudauri, humbi kontrollin dhe u rrëzua.
Përveç anëtarëve të ekuipazhit të helikopterit, kishte edhe ndihmësmjekë dhe mjekë të Ministrisë së Punëve të Brendshme.
Të gjitha detajet rreth incidentit po bëhen të sakta dhe Ministria e Punëve të Brendshme do të japë informacion shtesë për publikun," tha Ministria e Punëve të Brendshme.
