Nesër betohet presidenti i ri, Enkelejd Alibeaj konfirmon pjesëmarrjen në seancë: Respektojmë Kushtetutën
Nga OraNews Përditësimi i fundit 23 Korrik 2022, 18:19
Barjam Begaj do të zbresë nga llozhat këtë të diel për t’u betuar në Kushtetutë përpara Kuvendit dhe për t’u nisur drejt Presidencës, ku do të mbaj një mandat 5 vjeçar.
Seanca në të cilën do të mbahet betimi i Begajt është thirrur të zhvillohet në orën 18:00.
Në lidhje me këtë ka reaguar Enkelejd Alibeaj në emër në grupit parlamentar të PD, ku dhe ka konfirmuar pjesëmarrjen në seancën e ditës së nesërme.
Alibeaj, në një njoftim për mediat thotë se qëndrimin për zgjedhjen e Bajram Begajt e kanë shprehur pasi sipas tij ky i fundit përfaqëson zgjedhjen e njëanshme të mazhorancës.
Ai thotë se nesër do të jenë në Kuvend në respekt të Kushtetutës.
Enkelejd Alibeaj: Ne do të marrim pjesë në seancën e nesërme në Kuvend. Seanca e nesërme është e parashikuar nga Kushtetuta. Qëndrimin tonë për Z. Begaj e kemi mbajtur dhe është i qartë. Ai përfaqëson zgjedhjen e njëanshmet mazhorancës dhe nuk përfaqson gjysmën e shqiptarëve. Por ka një ndryshim midis individit Bajram Begaj dhe Presidencës së Republikës si institucion. Kemi respektuar e do të respektojmë institucionet dhe jo individët. Jemi shumë të qartë në këtë pozicion. Edhe në 2017 kur Meta u zgjodh president i PD atëherë nuk mori pjesë në votim por mori pjesë në ceremoninë e betimit.
