Çmendet moti, temperatura deri në 40 gradë sot
Nga Ora News Përditësimi i fundit 20 Korrik 2022, 07:41
Sipas MeteoAlb: Edhe vendi ynë do të jetë në ndikimin e valëve të të nxehtit Afrikan, ku kthjellimet dhe temperaturat e larta do të jenë mbizotëruese.
Maksimumet priten në qarqet Shkodër dhe Berat. Gjatë orëve të pasdites priten vranësira të lehta në zonat malore.
Edhe nata do të mbetet e kthjellët dhe e nxehtë.
Temperaturat e ajrit do të pësojnë një rritje të lehtë në mëngjes dhe në mesditë duke luhatur vlerat ditore nga 18°C deri në 40°C.
Era do të fryjë mesatarisht me shpejtësi 28 km/h nga drejtimi veriperëndimor, duke sjellë në brigjet detare dallgëzim të ulët.
