Tiranë/ Efektivi shkon të ndajë sherrin, bashkëjetuesja dhe babai i saj godasin policin se arrestoi djalin dhunues

Nga OraNews Përditësimi i fundit 27 Qershor 2022, 10:59

Një sherr në familje është shënua në rrugën  "Marie Logoreci" në Tiranë.  Pasi policia mori telefonatën se një burrë po dhunonte bashkëjetuesen ka shkuar në vendngjarje.

Mesaduket ndërhyrja e policisë nuk ka qenë e preferuar nga familja e cila kanë kundërshtuar shoqërimin e 26 vjeçarit në polici.

"Gjatë shoqërimit, shtetasi O. Xh., i cili kishte dhunuar bashkëjetuesen e tij, shtetasen H. D., 23 vjeçe, së bashku me 23-vjeçaren dhe babain e tij, shtetasin E. Xh., kanë kundërshtuar dhe goditur për shkak të detyrës punonjësit e Policisë, për të penguar shoqërimin në Komisariat" informoi sot policia e Tiranës.

KETU LAJMET MINUTE PAs MINUTE

Në vijim të veprimeve u arrestuan në flagrancë shtetasit:

- O. Xh., 26 vjeç, për veprat penale "Dhuna në familje", "Goditja për shkak të detyrës" dhe "Mosbindja ndaj urdhrit të punonjësit të policisë së rendit publik";

- E. Xh., 55 vjeç dhe H. D., 23 vjeçe, për veprat penale "Goditja për shkak të detyrës" dhe "Mosbindja ndaj urdhrit të punonjësit të Policisë së rendit publik".

Materialet i kaluan Prokurorisë, për veprime të mëtejshme procedurale.