Malësi e Madhe/ Qëlloi në ajër pas konfliktit me xhaxhain, arrestohet 29 vjeçari
Nga Ora News Përditësimi i fundit 27 Qershor 2022, 09:01
Një 29 vjeçar është arrestuar pasi ka qëlluar në ajër, pas një konflikti me xhaxhain e tij.
S. K., 29 vjeç, banues në fshatin Gruemirë-Çezme, Malësi e Madhe, pasi është konfliktuar për motive pronësie, me xhaxhain e tij, shtetasin Sh. K., 64 vjeç, e ka kanosur atë duke qëlluar në ajër me armë zjarri automatik.
Falë ndërhyrjes i riu u arrestua duke parandaluar kështu përshkallëzimin e mëtejshëm të konfliktit.
Në cilësinë e provës materiale është sekuestruar dhe arma e zjarrit automatik.
Materialet iu referuan Prokurorisë pranë Gjykatës së Rrethit Gjyqësor Shkodër, për veprat penale “Kanosja” dhe “Mbajtja pa leje e armëve dhe e municionit”.
