SHBA/ Vriten dy policë gjatë një shkëmbimi zjarri
Nga Ora News Përditësimi i fundit 15 Qershor 2022, 09:03
Dy oficerë policie u vranë të martën në SHBA në një shkëmbim zjarri.
Oficerët kishin shkuar në një motel në periferinë e Los Angelosit pas informacionit se aty kishte ndodhur një plagosje me thikë.
Ata u futën në dhomën ku ndodhej autori i plagosjes duke hapur zjarr ndaj tij i cili ishte dhe i armatosur. Agresori doli nga dritarja dhe në parking pati më tepër të shtëna që sollën dhe plagosjen e më pas vdekjen e oficerëve.
Oficerët, një veteran me mbi 22 vite në shërbim dhe një polic që kishte një vit që kishte nisur punën mbetën të vrarë.
Sipas autoriteteve nuk dihet nëse oficerët u plagosën brenda në dhomë apo në parking, por ata vdiqën rrugës për në spital.
Kryebashkiakja i El Montes, Jessica Ancona tha se oficerët vdiqën teksa po tentonin "të mbanin të sigurt një familje". Gruaja që mendohet të jetë e dashura e agresorit po merret në pyetje megjithatë ajo nuk ishte e plagosur siç iu raportua oficerëve.
Autoritetet po hetojnë për të zbardhur ngjarjen dhe kanë shpallur në kërkim autorin e vrasjeve.
