Video rrëqethëse/ Përqafimi i fundit i 5-vjeçares me nënën e saj, e cila e vrau pak çaste më pas
Nga OraNews Përditësimi i fundit 14 Qershor 2022, 22:06
Janë publikuar pamjet e para të 5 vjeçares Elena Del Pozzo, e cila u vra nga nëna e saj.
Në fotot e publikuara nga mediat italiane, shihet se ajo para se të vdiste ka përqafuar nënën e saj e cila shkoi për ta marrë te kopshti. Ka qenë pikërisht përqafimi I fundit me të ëmën e cila i mori dhe jetën.
Nëna 23 vjeçe, që kishte denoncuar zhdukjen e vajzës së saj 5 vjeçare para disa ditësh pranoi sot se kishte qenë ajo që e kishte vrarë.
Martina Patti, ishte ajo që i drejtoi hetuesit drejt vendit ku ndodhej trupi i të miturës dhe po sot pranoi se kishte qenë ajo vrasësja e së bijës.
