U infektua me HPV në makinën e partnerit, gruaja dëmshpërblehet me 5.2 milion dollarë nga kompania e sigurimit
Nga Ora News Përditësimi i fundit 10 Qershor 2022, 12:00
Një grua nga Missouri do të dëmshpërblehet me 5.2 milion dollarë pasi mori një sëmundje seksualisht të transmetueshme nga partneri i saj në makinën e tij.
Makina ishte e siguruar nga kompania GEICO që do të duhet t'i pagojë dëmshpërblimin denoncueses.
Gruaja një banore na konteja Jackson deklaroi se ra në kontakt me Papillomavirus (HPV) nga partneri i saj, i cili nga neglizhenca apo keqdashja nuk e kishte informuar gruan për diagnozën e tij.
Në shkurt të 2021 gruaja denoncoi në gjykatë kompaninë GEICO të sigurimit të makinës. Gruaja kërkoi një milion dollarë dëmshpërblim nga kompania e sigurimit gjë që kompania refuzoi ta paguante në Gjykatën e Apelit në Missouri.
Cështja u dërgua në Gjykatën e Arbitrazhit e cila përcaktoi se në makinën e të siguruarit ka patur një akt seksual që ka çuar në infektimin e gruas me HPV, pavarësisht nëse partneri e dinte një gjë të tillë apo jo.
Gjykatësi caktoi një dëmshpërblim prej 5.2 milion dollarësh nga kompania e sigurimit për të dëmshpërblyer të dëmtuarën. Pavarësisht apelimit të dënimit që kompania bëri, Gjykata la në fuqi vendimin për dëmshpërblim.
