Pogradec/ Tentoi të vetëvritej me armë gjahu, 78 vjeçari në gjendje të rëndë
Nga OraNews Përditësimi i fundit 29 Maj 2022, 15:08
Një 78 vjeçar ka tentuar të vetëvritej me armë gjahu ditën e sotme në Pogradec.
Ngjarja ka ndodhur rreth orës 14:30.
Si pasojë e plagosjes Petrit Guçi u transportua për mjekim në Spitalin e Pogradecit dhe aktualisht ndodhet në gjendje të rëndë shëndetësore.
Petrit Guçi është pronar i Vila Guçi në Pogradec.
"Më datë 29.05.2022, rreth orës 14:30, jemi njoftuar se në lagjen nr. 1, Pogradec, në garazhin e banesës së tij, dyshohet se është vetëplagosur me armë gjahu shtetasi P. G., rreth 78 vjeç, i cili u transportua për mjekim në Spitalin e Pogradecit dhe aktualisht ndodhet në gjendje të rëndë shëndetësore.Në cilësinë e provës materiale iu gjet e sekuestrua arma e gjahut", njofton policia.
Grupi hetimor po punon për të zbardhur rrethanat e ngjarjes.
