Aeroporti i dronëve, Britania e Madhe përuron qendrën e parë në botë për taksitë fluturuese
Nga Besmira Pelushaj Përditësimi i fundit 26 Prill 2022, 13:13
“Urban-Air Port”, zhvilluesi me bazë në Mbretërinë e Bashkuar i infrastrukturës tokësore për taksitë ajrore dhe dronët e shpërndarjes autonome, hap aeroportin e parë në botë. Automjetet, të tilla si taksitë ajrore dhe dronët e ngarkesave, paralajmërojnë një epokë të re të transportit urban me emetim zero dhe me mbipopullim të ulët.
Mbretëria e Bashkuar paralajmëron një epokë të re të transportit urban me emetim zero dhe me mbipopullim të ulët. Pritshmëritë janë që 2030 të shpallet dekada e lëvizshmërisë së avancuar ajrore. Në kuadër të këtij projekti është përuruar i pari aeroport “Air one” për infrastruktura të këtij lloji në Britani. Një port urban për dronët e dërgesës dhe një ditë, taksitë e mundshme fluturuese ka ngritur një kuti prosec për një fluturim të shkurtër testues.
Ky është i pari aeroport plotësisht funksional që ekziston për infrastruktura të këtij lloj tha Ricky Sandhu, themelues dhe drejtues ekzekutiv i “Urban-Air Port”.
"Ne të gjithë e dimë që dronët mund të fluturojnë. Por jemi duke u siguruar që këto lloj dronësh të madhësive, formave të ndryshme, madje edhe taksitë e mëdha të ulen në mënyrë të sigurt. Dhe ne mund të përpunojmë në mënyrë të sigurt ngarkesën për t'u dhënë garanci klientëve tanë të ardhshëm. Kjo është një industri që do të jetë shumë e zakonshme dhe normale në të ardhmen."
Kompania “Supernal” e mbështetur nga qeveria e Mbretërisë së Bashkuar synon që brenda pesë viteve të ardhshme të ketë 200 dislokime. Ndërsa I pyetur në lidhje me automjetet elektrike fluturuese për njerëzit, Michael Whitaker, zyrtari kryesor i kompanisë shprehet:
“Unë mendoj se do të shihni disa operacione këtë dekadë. Por vitet 2030 do të jenë me të vërtetë dekada e lëvizshmërisë së avancuar ajrore dhe do të filloni ta shihni që kjo të jetë më e përhapur që nga ai moment"
“Air-One” do të demonstrojë se infrastruktura tokësore është ndërtuar me qëllim për të reduktuar ndotjen dhe mbipopullimin e ajrit, duke ofruar udhëtime dhe dërgesa pa probleme të pasagjerëve.
