Zelensky i kërkon ‘llogari’ OKB-së: Ku është paqja që garantoni? Civilët po vriten për kënaqësi të rusëve
Nga OraNews Përditësimi i fundit 5 Prill 2022, 17:04
Presidenti ukrainas Volodymr Zelensky ka listuar mizoritë që sipas tij Rusia ka kryer gjatë pushtimit të saj në Ukrainë që prej 24 shkurtit.
Duke folur në Këshillin e Sigurimit të OKB-së virtualisht, ai thotë se njerëzit u qëlluan në rrugë, në shtëpitë e tyre, u hodhën në puse dhe u shtypën nga tanket në mes të rrugës "vetëm për kënaqësinë" e ushtarëve rusë.
Ai thotë se veprimet e rusëve janë shumë të ngjashme me ato të grupit terrorist, Shteti Islamik, dhe se propaganda e Presidentit Putin kërkon të "eksportoje" urrejtjen e tij në vende të tjera përtej Ukrainës.
“Ku është siguria që duhet të japë këshilli i sigurisë, pyet ai. Ku është paqja? Ku janë ato garanci që OKB-ja duhet të garantojë?" është shprehur ai duke iu drejtuar OKB-së.
Ai thotë se bota duhet të shohë të gjitha krimet që ka kryer ushtria ruse.
