Efektet e krizës, Sejko: Rritja e çmimeve në tregjet globale, ndikim në familjet shqiptare
Nga OraNews Përditësimi i fundit 31 Mars 2022, 14:57
Rritja e çmimeve në tregjet botërore do të lërë gjurmët e saj në bilancet e familjeve dhe bizneseve pavarësisht stabilitetit ekonomik dhe financiar të vendit.
Kështu pohoi Guvernatori i Bankës së Shqipërisë, Gent Sejko, në një takim me delegacionin e Parlamentit të Mbretërisë së Bashkuar, të shoqëruar nga ambasadori britanik në Tiranë.
Sipas Sejkos, me masat e marra dhe ndërhyrjet e institucioneve ekonomia shqiptare do t’i rezistojë edhe kësaj goditje.
Ndër të tjera, ai falenderoi Mbretërinë e Bashkuar për rolin që ka luajtur gjatë periudhës së tranzicionit me mbështetjen me fonde financiare dhe dhënien e ndihmës në ngritjen e kapaciteteve.
Ndërkohë, delegacioni britanik u shpreh se vendi ynë ofron perspektiva interesante investimi në fushën e industrisë financiare, të energjisë dhe të turizmit.
