Bisedimet Rusi-Ukrainë fillojnë, por shpresat për një përparim janë të pakta
Nga OraNews Përditësimi i fundit 29 Mars 2022, 10:06
Delegacionet ruse dhe ukrainase kanë mbërritur tani në Dolmabahçe - zyra e Presidentit Erdogan në brigjet e Bosforit këtu në Stamboll.
Ata janë ulur përgjatë një tavoline të gjatë përballë njëri-tjetrit. Udhëheqësi turk ju drejtua atyre me një fjalim që u pasua me duartrokitje.
Këto janë bisedimet e para ballë për ballë në më shumë se dy javë, por shpresat për ndonjë përparim janë të ulëta.
Erdogan foli për "dhimbjen e tij të thellë" që konflikti ka hyrë në javën e tij të pestë, duke thënë se miqësia e Turqisë me të dy vendet i dha asaj një detyrim për të ndërmjetësuar.
“Është në duart e të dyja palëve të ndalojnë këtë tragjedi”, tha ai.
Turqia është anëtare e NATO-s, por ruan lidhje të forta me Rusinë.
Erdogan i ka rezistuar bashkimit me sanksionet e Perëndimit kundër Moskës, një nga vendet e pakta që e ka bërë këtë.
