Ministri i Jashtëm rus: Takimi Putin-Zelensky jo i nevojshëm derisa çështjet kryesore të sqarohen
Nga OraNews Përditësimi i fundit 28 Mars 2022, 19:30
Një takim midis presidentit rus Vladimir Putin dhe presidentit ukrainas Volodymyr Zelensky kërkohet pasi të ketë qartësi në të gjitha çështjet jetike për Moskën", tha të hënën Ministri i Jashtëm rus Sergey Lavrov.
Perëndimi i ka injoruar këto çështje, pavarësisht se janë ngritur nga Moska prej vitesh, shtoi ai.
“Ata sabotuan marrëveshjet e Minskut menjëherë pasi e nënshkruan atë në shkurt 2015 dhe si rezultat deklaruan se nuk do ta zbatonin", tha Lavrov.
Bisedimet Rusi-Ukrainë janë vendosur të rifillojnë t në Stamboll këtë javë, tha Lavrov më herët të hënën gjatë një konference për shtyp.
"Këto negociata janë në vazhdim. Ato do të rifillojnë sot ose nesër në Stamboll personalisht pas një serie video-konferencash," tha Lavrov.
“Dhe ne jemi të interesuar që këto negociata të sjellin rezultat dhe ky rezultat të arrijë qëllimet tona themelore”, tha ai.
"Fakti që u vendos që negociatat të vazhdojnë personalisht është i rëndësishëm," tha të hënën zëdhënësi i Kremlinit Dmitry Peskov gjatë një telefonate me gazetarët.
Peskov tha se bisedimet midis dy palëve ka të ngjarë të rifillojnë të martën.
