Pustec/ Gomerë në vend të traktorit
Nga Iris Rezhda Përditësimi i fundit 28 Mars 2022, 16:07
Punimi i tokës me kafshë është rikthyer në vendin tonë.
Në Pustec banorët kanë nxjerrë gomerët për të punuar tokën.
Rritja e çmimeve të karburanteve e ka bërë të papërballueshme përdorimin e traktorëve dhe makinerive të tjera.
" Edhe tani në pranverë punojmë me gomerët, se po u fut traktori nuk ia vlen barra qeranë"
Në fshatin Gollomboç, nëpër ara shihen teksa punojnë vetëm të moshuar.
Thonë se prodhimin e kanë zvogëluar për shkak të kostove të larta.
" Është vështirë shumë, por edhe u plakëm, pleqëria i ka këto gjëra."
"Përdorim gomarin për çdo gjë, për transport, për dru vetëm këto kemi ne"
Ata kanë hequr dorë edhe nga çaji që dikur e prodhonin me shumicë, ndërsa tanimë punojnë vetëm për familjen e tyre.
" Lëre çajin, u prish fare, më çajin asgjë e korrëm e hoqëm fare"
Siç po ndodh në shumë fshatra të vendit, fshati po boshatiset dita ditës ndërsa tanimë kanë mbetur vetëm 70 familje kryesisht të moshuar.
