U qëllua nga rusët, humb jetën operatori i Fox News në Ukrainë
Nga OraNews Përditësimi i fundit 15 Mars 2022, 17:12
Kameramani i Fox News, Pierre Zakrzewski është vrarë teksa raportonte jashtë Kievit, thotë rrjeti amerikan.
Zakrzewski u vra dhe kolegu i tij, Benjamin Hall, u plagos kur automjeti i tyre u godit nga zjarri dje në Horenka, rreth 20 km në veri-perëndim të kryeqytetit, thotë CEO e Fox News, Suzanne Scott.
"Pierre ishte një fotograf i zonës së luftës që mbuloi pothuajse çdo histori ndërkombëtare për Fox News nga Iraku në Afganistan e deri në Siri gjatë qëndrimit të tij të gjatë me ne," thotë ajo.
“Pasioni dhe talenti i tij si gazetar ishin të pakrahasueshëm”.
Hall, një korrespondent britanik 39-vjeçar, ndodhet në spital.
Vdekja e tij pason vrasjen e gazetarit amerikan Brent Renaud, më 13 mars.
I don’t know what to say. Pierre was as good as they come. Selfless. Brave. Passionate. I’m so sorry this happened to you. pic.twitter.com/IvxlPWGDAl
— Trey Yingst (@TreyYingst) March 15, 2022
