Votimi për kryebashkiakët e rinj, sot heshtje zgjedhore, të dielën zgjedhje në 6 bashki

Nga Fjorela Beleshi Përditësimi i fundit 5 Mars 2022, 12:41

Pas 2 javëve fushatë, kjo e shtunë shënon heshtje zgjedhore për të gjitha palët politike, që garojnë këtë 6 mars për 6 bashkitë me kryetar të komanduar. Nesër 654,538 shtetas shqiptarë me të drejtë vote do i drejtohen kutive të votimit për të zgjedhur kryetarët e rinj të bashkive Vorë, Rrogozhinë, Lushnjë, Shkodër, Dibër dhe Durrës mes kandidatëve të PS, PD e koalicionit ‘Shtëpia e Lirisë’, të cilët do të kenë një mandat 1-vjeçar.

Në orën 7:00 të se dielës, 6 mars, do të nisë votimi në 941 qendra votimi ku do te zhvillohen zgjedhjet për drejtuesit e rinj, të cilët do të drejtojnë për afro një vit punën në 6 bashkitë.

Rreth 655 mijë qytetarë në Durrës, Vorë, Rrogozhinë, Lushnje, Dibër dhe Shkodër kanë te drejtën për të ushtruar të drejten e votës për të zgjedhur të preferuarin e tyre. Ndërsa 10 mijë prej tyre janë votues për herë të parë.

Në orën 19:00 do të mbyllet votimi për 19 kandidatët të cilët janë në garë që më pas në KZAZ të nisë numërimi i votave.

Vora do të jetë e para që do të shpallë rezultatin e para, pasi procesi i votimit dhe numërimit do të jetë elektonik.

Pasi të mbyllet procesi i votimit në orën 20:00 KQZ do të japë edhe fituesin, i cili do të drejtojë këtë Bashki deri në 2023.

Ndërsa në 5 bashkitë e tjera rezultati do të dalë brenda 48 orëve pasi të mbyllet procesi i votimit.

Të gjitha QV-të janë të pajisur me pajisjen PEI për të bërë të mundur identifikimin elektronik të zgjedhësve për të shmangur edhe votimin e shumëfishtë.

Kandidatët e PD

Bashkia Shkodër, Xhemal Bushati,

Bashkia Durrës: Luan Hoti

Bashkia Lushnjë: Indrit Sefa,

Bashkia Dibër: Luan Haka

Bashkia Rrogozhinë: Ferdinand Saraçi

Bashkia Vorë: Ymer Marku.

Kandidatët e PS

Për Bashkinë Durrës: Emirjana Sakon

Për Bashkinë Shkodër: Majlinda Angonin

Për Bashkinë Dibër: Rrahim Spahiun

Për Bashkinë Rrogozhinë: Edison Memolla

Për Bashkinë Vorë: Blerim Shera

Për Bashkinë e Lushnjës: Eriselda Sefa

Kandidatët e Shtëpisë së Lirisë

Bashkia Shkodër: Bardh Spahia

Bashkia Durrës: Ardian Muka

Bashkia Lushnjë: Eton Bano

Bashkia Dibër: Premtim Kryemadhi

Bashkia Rrogozhinë: Hekuran Xhani

Bashkia Vorë: Lulzim Vrana