Rusia thotë se kontrollon zonën rreth centralit më të madh bërthamor të Ukrainës
Nga OraNews Përditësimi i fundit 2 Mars 2022, 15:31
Rusia i ka thënë mbikëqyrësit global bërthamor se ka marrë kontrollin e zonës rreth termocventralit më të madh bërthamor të Ukrainës pranë qytetit të Zaporizhzhia, në lumin Dnieper në Ukrainën jugore.
Sipas Rusisë, stafi në termocentral po vazhdon funksionimin e tij normal, thotë Agjencia Ndërkombëtare e Energjisë Atomike (IAEA).
Operatori bërthamor i Ukrainës thotë se është në kontakt me të gjitha termocentralet e tij dhe operacionet po vazhdojnë në të gjitha ato.
Fabrika e Zaporizhzhia ka gjashtë nga 15 reaktorët e energjisë bërthamore të vendit, thotë IAEA.
Raportohet se banorët kanë bllokuar rrugët pranë qytetit Energodar, ku ndodhet uzina e Zaporizhzhia.
Autoritetet bërthamore të Ukrainës i kanë kërkuar IAEA ndihmë për koordinimin e aktiviteteve të sigurisë në vendin e centralit bërthamor të Çernobilit në Ukrainën veriore, i cili është kapur nga trupat ruse.
