Blinken hedh propozimin për largimin e Rusisë nga Këshilli i OKB-së për të Drejtat e Njeriut
Nga OraNews Përditësimi i fundit 1 Mars 2022, 16:51
Ndërsa Sekretari Amerikan i Shtetit Antony Blinken dënoi abuzimet e Rusisë me të drejtave të njeriut dhe shkeljet e ligjit ndërkombëtar humanitar ndërsa kryen sulmin e saj ndaj Ukrainës.
Madje ai hodhi idenë e largimit të Rusisë nga Këshilli i OKB-së për të Drejtat e Njeriut gjatë një fjalimi para këshillit të martën në mëngjes.
“Me arsye mund të pyetet nëse një shtet anëtar i OKB-së që përpiqet të marrë nën kontroll një shtet tjetër anëtar të OKB-së – ndërkohë që kryen abuzime të tmerrshme të të drejtave të njeriut dhe duke shkaktuar vuajtje masive humanitare – duhet të lejohet të qëndrojë në këtë këshill”, tha Blinken.
Në këshill janë 47 shtete anëtare, të cilat zgjidhen nga Asambleja e Përgjithshme e OKB-së, ku një prej tyre është Rusia.
Blinken kritikoi gjithashtu vende si Kina, të cilat nuk e kanë deklaruar qartë se Rusia është autori i vetëm i kësaj krize.
“Anëtarët e këshillit duhet të ndalojnë përdorimin e gjuhës që nënkupton se të gjitha palët mbajnë përgjegjësi të barabartë për sulmin e paprovokuar të njërës palë. Kjo është e gabuar dhe nuk arrin të vendosë përgjegjësinë aty ku i takon. E njëjta gjë vlen edhe për anëtarët që argumentojnë, në mënyrë të gabuar, se denoncimi i shkeljeve të të drejtave të njeriut po 'politizon' situatën." - tha Blinken.
Blinken sfidoi UNHRC-në që të bashkohej për të provuar dhe parandaluar një luftë edhe më vdekjeprurëse.
