Protestuesit në mbarë botën protesta para ambasadave ruse në mbështetje të Ukrainës
Nga OraNews Përditësimi i fundit 24 Shkurt 2022, 15:53
Menjëherë pas publikimit të lajmeve për sulmin rus kundër Ukrainës, protestues të ndryshëm u mblodhën jashtë ambasadave ruse dhe pika të tjera historike në shumë pjesë të botës.
Njerëzit valëvitnin flamuj të Ukrainës verdhë e blu dhe brohoritnin slogane pro-ukrainase këtë të enjte.
Shumë nga demonstruesit, duke përfshirë emigrantë ukrainas, mbanin pankarta duke thënë "Ukraina do të rezistojë" dhe "Thuaj Jo Putinit".
Presidenti ukrainas Volodymyr Zelenskyy e krahasoi pushtimin rus të vendit me fushatat ushtarake të kryera nga Gjermania naziste gjatë Luftës së Dytë Botërore.
“Rusia e ka sulmuar Ukrainën në një mënyrë frikacake dhe vetëvrasëse siç bëri Gjermania naziste gjatë Luftës së Dytë Botërore”, tha ai në një konferencë në internet.
Po gjatë kësaj konference ai u bëri thirrje ukrainasve të dalin dhe të protestojnë kundër kësaj lufte.
