Rusia trondit bursat, sanksionet e perëndimit ndaj Moskës mund të rrisin më shumë çmimet
Nga Amado Çela Përditësimi i fundit 24 Shkurt 2022, 14:09
Pushtimi i Ukrainës nga Moska ka sjellë efektet e para të rritjes së çmimeve të naftës dhe gazit natyror të lëngshëm pasi Rusia është eksportuesi kryesor i tyre dhe se sanksionet e perëndimit mund të përkeqësojnë edhe më shumë.
Çmimet e naftës së papërpunuar u rritën ndjeshëm pasi Rusia filloi sulmin ndaj Ukrainës.
Çmimi arriti në 105 dollarë për fuçi për herë të parë që nga viti 2014, kur Rusia aneksoi Krimenë nga Ukraina.
Çmimet e gazit natyror u rritën me 6.1% të enjten pas sulmit të Ukrainës.
Rusia është eksportuesi i dytë më i madh i naftës së papërpunuar dhe eksportuesi më i madh në botë i gazit natyror të lëngshëm.
Edhe Shtetet e Bashkuara importojnë naftë dhe gaz nga Rusia.
Nëse SHBA-të sanksionojnë Moskën, do të reflektohej në rritjen e çmimit për qytetarët amerikanë.
Shtetet e Bashkuara, Kanadaja, Britania e Madhe, Bashkimi Evropian, Australia dhe Japonia ishin ndër vendet që njoftuan valën e parë të sanksioneve kundër Rusisë në fillim të kësaj jave, duke synuar bankat dhe miliarderët rusë.
Një breshëri e dytë masash pritet gjerësisht së shpejti.
Në të gjithë Evropën aksionet shënuan rënie të ndjeshme.
Çmimi i arit i cili konsiderohet një aset parajsë në kohë pasigurie u rrit me 2%.
