Komentohet penalltia e kërkuar nga Xhixha te Tirana: Bëri dy-tre hapa pastaj u rrëzua, duhej të ishte treguar më i zgjuar
Nga OraNews Përditësimi i fundit 21 Shkurt 2022, 15:22
Tirana nuk arriti që të fitonte ndaj Kastriotit duke u mundur me shifrat 2-1. Një rast për moviolë dhe i diskutueshëm i përket Xhixhës, që në minutën e 40 është rrëzuar në zonën e Kastriotit.
Megjithatë përsëritja e pamjeve tregon se pas kontaktit me lojtarin kundërshtar, sulmuesi i bardhebluve ka bërë edhe një hap më shumë dhe pasi pa se e kishte të pamundur për të kapur topin, u rrëzua në tokë.
Për këtë arsye Florian Riza dhe Eduart Zhupa, të ftuar në “Ora Sport” në RTV Ora janë shprehur se nuk kemi të bëjmë me penallti.
“Duhej të ishte treguar më i zgjuar Xhixha. Kontakt ka, por ka bërë dy tre hapa dhe pastaj është rrëzuar”, u shpreh Zhupa.
