PD: Pengjet e korrupsionit mbajnë njëri-tjetrin, grata të shpallura e të pa shpallura, janë bashkë
Nga OraNews Përditësimi i fundit 11 Shkurt 2022, 15:44
Partia Demokratike ka postuar një video në Facebook ditën e sotme ku thuhet se pengjet e korrupsionit mbajnë njëri-tjetrin, dhe se po ra njëri bien të gjithë.
Sipas PD-së, kjo është arsyeja që non grata të shpallura e të pa shpallura, janë bashkë, sulmojnë PD, duan shkatërrimin e PD.
Aty shtohet se demokratët e dinë, shqiptarët e dinë, se e shkuara kërkon të mbajë peng Shqipërinë për hallet e veta dhe prandaj është e qartë se po mbështete Berishën dhe Metën, mban Ramën.
PD: Pengjet e korrupsionit mbajnë njëri-tjetrin, se po ra njëri bien të gjithë. Kjo është arsyeja që non grata të shpallura e të pa shpallura, janë bashkë, sulmojnë PD, duan shkatërrimin e PD. Sillen si burracakë, e frikacakë, siç bënë një ditë më parë kur u fshehën që të mos votojnë edhe pse mbushën dynjanë se do votojnë kundër në parlament. Shajnë e mashtrojnë, pastaj fshihen që të harrohen. Tashmë demokratët e dinë, shqiptarët e dinë, se e shkuara kërkon të mbajë peng Shqipërinë për hallet e veta. Prandaj është e qartë se po mbështete Berishën dhe Metën, mban Ramën.
