Afera e incineratorët, Gështenja: Është zbuluar vetëm maja e ajsbergut. Vjedhja s'mund të bëhej pa dijeninë e Ramës
Nga OraNews Përditësimi i fundit 11 Shkurt 2022, 09:15
Anëtari i Komisionit Hetimor për incineratorët, Lefter Gështenja, në një postim që ka bërë në rrjetet sociale shprehet se në lidhje me aferën e incineratortëve është zbuluar vetëm maja e ajsbergut.
Teksa ka postuar një video, ai thotë se brenda 24-orëve janë kryer 17 procedura për të miratuar koncesionin për incineratorin e Elbasanit. Ai shprehet se këto procedura përfshijnë edhe Arben Ahmetajn , Damjan Gjiknurin, Ëngjëll Agaçin, e shumë zyrtarë të tjerë
Ndër të tjera shprehet se të gjitha vjedhjet janë bërë me dijenin e Ramës.
Postimi i plotë:
430 milion euro është afera korruptive e incineratorëve me dijeninë dhe mbështetjen e Edi Ramës.
Hetimet e para i dhanë të drejtë PD, por deri tani është zbuluar vetëm maja e ajsbergut.
17 procedura janë kryer brenda 24 orëve vetëm për të miratuar koncesionin për inceneratorin e Elbasanit. Këto procedura përfshijnë edhe Arben Ahmetajn , Damjan Gjiknurin, Ëngjëll Agaçin, e shumë zyrtarë të tjerë. Por natyrisht, asgjë nuk do të mund të ishte bërë pa dijeninë dhe miratimin e Edi Ramës.
Shqipëria është sot vendi më i korruptuar i Europës.
Rama është i korruptuar.
Qeveria e tij është e korruptuar.
Me këta në krye, Shqipëria nuk mund të ketë zhvillim.
Shqiptarët duhet ta braktisin të shkuarën dhe të korruptuarit!
