Rama më 13-17 shkurt takohet me “armikun” e Berishës, sekretarin e Shtetit, Antony Blinken
Nga OraNews Përditësimi i fundit 2 Shkurt 2022, 15:43
Me 15 shkurt Kryeministri Edi Rama në Uashington do të zhvillojë një takim me Sekretarin Amerikan të Shtetit Antony Blinken.
Në qershor të vitit të shkuar Rama zhvilloi takimin e parë me zyrtarin e lartë të SHBA për të firmosur memorandumin për sigurinë e rrjeteve 4G dhe 5G.
Kreu i qeverisë shqiptarë, i shoqëruar nga ministrja e jashtme Olta Xhaçka, do të ketë një vizitë zyrtare 5 ditore, 13-17 shkurt, në SHBA me rast të marrjes së mandatit të përkohshëm të Këshillit të Sigurimit të OKB-së.
Pas përfundimit të vizitës në SHBA, Edi Rama do të fluturojë drejt Gjermanisë për të marrë pjesë në samitin e sigurisë në Mynih me 18 shkurt.
