Afganistan: Prindërit shesin fëmijët dhe veshkat për të ushqyer familjet e uritura
Nga OraNews Përditësimi i fundit 27 Janar 2022, 17:33
Pas tërheqjes së forcave perëndimore nga Afganistani vitin e kaluar, regjimi taliban mori pushtetin, ndërkohë që vendi po përballet me një varfëri ekstreme.
Sipas mediave të huaja, disa prindër po shesin veshkat e tyre, në mënyrë që të marrin shuma monetare për të ushqyer familjet e tyre.
Mësohet se tre vëllezër dhe dy motrat e tyre shitën organet e tyre për rreth 1,150 £ për të ushqyer familjet e tyre.
Ndërkohë javë më parë mediat kanë raportuar se prindërit kanë shitur dhe fëmijët e tyre për shkak të kushteve ekstreme të varfërisë.
Ndërkohë nga ana tjetër n mjekët kanë thënë se nuk kanë as mjete spitalore për pacientët të cilët i nënshtrohen operimeve të tilla.
