U shpallën në kërkim ndërkombëtar, Berisha: Deri para dy ditësh Gugallja dhe Klodian Zoto mbaheshin në Lushnje
Nga OraNews Përditësimi i fundit 27 Janar 2022, 12:25
Një ditë pas njoftimit për shpalljen në kërkimi ndërkombëtar të dy të kërkuarve për skandalin korruptiv të incineratorit të Elbasanit, Stela Gugallja dhe Klodian Zoto, ish-kryeministri Sali Berisha denoncoi nga foltorja e Kuvendit se administratorët e incineratorëve janë mbajtur të fshehur para dy ditësh në Lushnje.
Komisionin Hetimor të ngritur nga PD për këtë çështje e konsideroi një maskaradë, pasi në 3 muaj nuk është bërë asnjë hetim.
Ai akuzoi kryeministrin Rama dhe kryedemokratin Basha si të përfshirë në këtë aferë korruptive.
Berisha: E dëgjuat maskaradën me komisionin hetimor për një nga vjedhjet më të mëdha. Pas 3 muajsh zero hetim, sepse janë të zhytura. Është i zhytur si Edvin droga edhe Lulzim brava. Në këtë krah janë bërë 289 denoncime, të gjitha mbeten në heshtje sepse Lulzim brava i implikuar në këtë aferë lejoi që të publikohen njëherë apo dy here.
Nuk ka aferë më flagrante. A e dini që e kanë mbajtur në Lushnje të fshehur kaçak Zoton deri para dy ditësh bashkë me Gugallën dhe i kërcënonte? Kjo aferë duhet të hetohet.
Këtu në të dy anët, brava është me dy këmbë. Na thuaj pak cfarë janë udhëtimet e tij me zoton. Cfarë janë pengesat, pse nuk lejonte denoncimet nga aktivistë të PD. Të gjitha ky i di me kreun e Meduzës.
