Dibra "zgjohet" e zbardhur nga dëbora, trashësia në zonat malore deri në 25 centimetra
Nga OraNews Përditësimi i fundit 21 Janar 2022, 08:45
Moti i ftohtë ka ndryshuar mëngjesin e sotëm, 21 janar duke sjellë reshje të dendura dëbore në qarkun e Dibrës.
Janë rikthyer reshjet intensive të borës, në qytetin e Peshkopisë dhe zonat malore.
Dëbora ka shtruar në rrugë, ndërsa në zonat e thella trashësia varion deri në 25 cm.
Situata rrugore sa u përket rrugëve nacionale Peshkopi- Tiranë vijon pa probleme.
Ndërsa në aksin Peshkopi-Kala e Dodës-Kukës kalimi duhet të bëhet me zinxhirë, po ashtu edhe në aksin Peshkopi-Draj Reç-Kukës me zinxhirë.
I kalueshëm me zinxhirë është edhe aksi Ura e Çerenecit-Steblevë-Librazhd, segmenti nga Ostreni drejt Steblevës.
Mësimi ka nisur normalisht dhe nga informacionet, shkollat janë furnizuar me lëndë drusore për ngrohje.
Ende nuk raportohen probleme në furnizimin me energji elektrike.
