Aksidentet përgjakin rrugët në Lezhë e Krujë, 2 viktima në 24 orë
Nga OraNews Përditësimi i fundit 19 Janar 2022, 11:33
Dy persona mbetën viktima të dy aksidenteve të rënda në 24 orët e fundit në Lezhë dhe Krujë. Ata e çojnë në 10 numrin e personave që kanë humbur jetën në rrugët e vendit në 19 ditë të janarit.
Dy persona humbën jetën në aksidenteve rrugore përgjatë 24 orëve të fundit.
Mikel Marashi 47-vjeç, po udhëtonte me motoçikletën e tij në superstradën Lezhë-Shkodër kur u përplas nga një makinë në vendin e quajtur kryqëzimi i Gocaj.
Goditja ishte e fortë e për pasojë ai mbeti i plagosur rëndë.
47 vjeçari u soll për trajtim të Specializuar në Spitalin e Traumës, por nuk mundi tu mbijetojë plagëve.
Superstrada Lezhë-Shkodër është një ndër akset më të rrezikshme në veri të vendit, ku mungesa e ndriçimit është një prej shkaqeve të përplasjeve fatale.
Tjetër aksident me vdekje ndodhi në Krujë në vendin e quajtur “rrethrrotullimi i Thumanës”.
Një këmbësor u përplas buzë rrugës nga një makinë.
Dy viktimat e mbrëmjes së të martës e çojnë në 10 numrin e personave që kanë humbur jetën në aksidente rrugore në javët e para të 2022.
Shkelja e rregullave të qarkullimit, vlerësohet nga ekspertët si shkaku kryesor që po përgjak rrugët e vendit.
Problemet me infrastrukturën ne disa akse janë një tjetër arsye.
