Makina përplaset me trafik-ndarësen në Durrës, lëndohet shoferi
Nga Mark Brunga Përditësimi i fundit 17 Janar 2022, 11:48
Një aksident ka ndodhur paraditen e sotme në lagjen nr.13 në Durrës.
Policia bën me dije se rreth orës 11:15, në lagjen nr. 13 Durrës, sipër urës së Dajlanit, automjeti me drejtues shtetasin Artur Lloshi ka humbur kontrollin dhe është përplasur me trafikndarësen.
Për pasojë është dëmtuar lehtë drejtuesi i mjetit, i cili ndodhet nën kujdesin e mjekëve, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit.
