Mosdeklarimi i plotë i pagës, Rama: Punonjësit që denoncojnë do t’u jepet garanci financiare
Nga OraNews Përditësimi i fundit 5 Janar 2022, 17:50
Qeveria do të kërkojë bashkëpunimin e punonjësve të kompanive për të luftuar evazionin fiskal me mosdeklarimin e pagave.
Kryeministri Rama madje tha se punonjësit që do të denoncojnë fenomenin do të kenë dhe garanci financiare.
Rama: Ai që denoncon se merr pagën minimale, ndërkohë që duhet ta marrë të plotë, do t’i jepet garanci financiare, që nëse humbet vendin e punës për shkak të denoncimit, do të marrë dëmshpërblim financiar. Nëse kjo është që të bëhet, ky është mendimi i shumicës, që një pjesë e taksave të tyre të përdoret për të bërë drejtësi.
